![](https://neftchi.az/uploads/news/turkiye-toplanisimiz-davam-edir-2024-07-11-141322.jpg)
Türkiyə toplanışımız davam edir
“Neftçi” Türkiyənin Ərzurum bölgəsində təlim-məşq toplanışını davam etdirir. İyulun 8-də qardaş ölkəyə yollanan komandamızın üzvləri ayın 9-dan etibarən baş məşqçi Roman Qriqorçukun rəhbərliyi altında gündə iki dəfə məşqə çıxır. Səhər hazırlığında fiziki, axşam məşqində isə əsasən toplu çalışmalar yerinə yetirilir.
Qeyd edək ki, toplanış çərçivəsində 4 yoxlama oyunu keçirməyi planlaşdıran “ağ-qaralar”ın ilk sınaq matçı iyulun 13-də Türkiyə Super Liqası təmsilçisi “Alanyaspor”a qarşı olacaq. Növbəti yoxlama görüşü isə iyulun 17-də keçiriləcək. Rəqib digər Super Liqa klubu “Sivasspor” olacaq.