“Neftçi” Zəfər Gününə həsr olunmuş turnirdə ilk qələbəsini qazanıb. “Ağ-qaralar” “Vətən” RİOEUG Futbol Məktəbinin təşkilatçılığı ilə bu məktəbin bazasında 2012-ci il təvəllüdlü futbolçular arasında keçirilən yarışdakı ikinci oyununda “Səbail”ə qalib gəlib – 8:5. Komandamızın qollarından dördünü Şamil Allahverdiyev, ikisini Əli Məmmədli, hərəyə birini isə Hüseyn Nağızadə və Rəsul Bəkirzadə vurublar.

Qeyd edək ki, B qrupundakı ilk matçında “Şirvansaray”la heç-heçə etmiş (3:3) baş məşqçi Mahmud Əhmədovun yetirmələri oktyabrın 23-də “Sabah”la qarşılaşacaq. A qrupunda isə “Vətən”, “Qarabağ”, “Xan” və “Sportinq” komandaları çıxış edir. Yarımfinal oyunları oktyabrın 30-da, 3-cü yer uğrunda və final matçı isə noyabrın 3-də keçiriləcək.