“Neftçi” PFK-nın U-17 komandası İtaliyanın paytaxtı Romada təşkil olunan Skopinyo Kubokunda ikinci oyununu keçirib. Baş məşqçi Rəşad Hüseynovun yetirmələri “Lodiciani” klubunu 1:0 hesabı ilə məğlub edib. Qələbə qoluna Murad Məmmədov imza atıb.

Bununla da ilk matçda “Roma”ya 0:1 hesabı ilə uduzan “Neftçi” C qrupunda 2-ci yeri tutub.

Qeyd edək ki, İtaliyanın “İnter”, “Latsio”, “Napoli”, “Salernitana”, “Ternana”, “Pol.Kantaliçe”, “Napoli Yunayted”, Türkiyənin “Fənərbaxça”, Braziliyanın “Fluminense” klublarının da iştirak etdiyi turnirə sentyabrın 2-də yekun vurulacaq.