Bakı Olimpiya Stadionunda AFFA-nın “Klub dəstək proqramı” çərçivəsində “Sosial media və rəqəmsal marketinq” mövzusunda keçirilmiş seminarda iştirak etmək üçün Bakıda olan UEFA rəsmisi Aleksandr Kuçeriavyi və “RESULT Sports” rəqəmsal agentliyinin nümayəndəsi Mario Leo, həmçinin AFFA rəsmisi Tural Piriyev “Bakcell Arena”da “Neftçi”nin qonağı olub.

“Neftçi” PFK-nın prezidenti Kamran Quliyev, Media, Marketinq və İctimaiyyətlə Əlaqələr Departamentinin rəisi Rüstəm Allahverdiyev qonaqları stadionla, “Neftçi TV”nin studiyası, muzey və fanşopla tanış edib, onlarla fikir mübadisəli aparıblar. Tərəflər arasında gələcəkdə beynəlxalq təcrübənin klubla bölüşülməsi, layihə və digər məsələlər müzakirə olunub.