Sabir Buqrin: “Düşünürəm ki, Ramonun bədənində maqnit var”

26 sentyabr 2021, 20:40

“Neftçi”nin yarımmüdafiəçisi Sabir Buqrin klubun rəsmi saytına açıqlama verib. “Sabah”ın qapısına vurulan ilk qol haqda danışan mərakeşli futbolçu ötən mövsüm olduğu kimi, komandamızın yenə də çempion olmaq istədiyini bildirib:

“Yaxşı oynadıq, amma daha da yaxşı oyun nümayiş etdirə bilərik. Komandamıza inanıram. Düzdür, matçın sonu gərgin və riskli idi, amma əsas odur ki, 3 xal qazandıq. Hesabı açdığımız epizoda gəlincə, bu tam olaraq Ramonun qoludur. Hərdən düşünürəm ki, onun bədənində maqnit var və bütün topları öz üzərinə çəkir. Ona görə çox şadam. Ötən mövsüm olduğu kimi, yenə də çempion olmaq istəyirik. Fikrimcə, bunun öhdəsindən gələ bilərik”.