UEFA Çempionlar Liqasının I təsnifat mərhələsində iyulun 14-ü saat 21:00-da keçiriləcək “Neftçi” – “Dinamo” (Tbilisi) matçının təyinatları açıqlanıb. Oyuna Moldovadan olan hakimlər təyinat alıblar. Baş hakim Dumitru Muntean olacaq. Ona Vlad Lifsiu və Vadim Vikol kömək edəcəklər. Dördüncü hakim funksiyasını Qabriel Tupisika yerinə yetirəcək.

UEFA nümayəndəsi Siprian Paraskiv (Rumıniya), hakim-inspektor isə Aleksandr Qvardis (Rusiya) olacaq.

Qeyd edək ki, bu komandalar arasında ilk oyun iyulun 7-si Boris Payçadze adına “Dinamo Arena”da baş tutacaq və Bakı vaxtı ilə saat 20:00-da start götürəcək.