Misli Premyer Liqasının 15-ci turu çərçivəsində dekabrın 1-i saat 19:00-da “Neftçi Arena”da keçiriləcək “Neftçi” – “Qarabağ” matçı üçün 5000 ədəd bilet satılıb. Qalan 3000 ədəd biletdən 1000 ədədini (“Cənub-üst” sektoru – 10 AZN, “Cənub-alt” sektoru – 15 AZN, VIP – 35 AZN) hazırda iticket.az saytından onlayn şəkildə almaq mümkündür.

Oyunu tribunadan izləmək istəyən azarkeşlər həmçinin həmin gün saat 12:00-dan etibarən “Forza” və “Qərb-2” sektorlarına olan 2000 ədəd bileti (qiyməti 3 AZN) “Neftçi Arena”nın kassalarından əldə edə bilərlər.