“Neftçi”nin iki üzvü U-17, daha bir üzvü U-15 millisində
17 yaşadək futbolçulardan ibarət Azərbaycan milli komandasının Avropa çempionatının seçmə mərhələsi çərçivəsində Bosniya və Herseqovinada keçirəcək oyunlar üçün ilkin heyəti açıqlanıb. Heyətə “Neftçi” PFK-nın iki üzvü – Murad Məmmədov və Taleh Mahmudzadə dəvət olunub. Millimiz seçmə mərhələyə hazırlıq məqsədilə oktyabrın 13-dən 20-dək Bakıda təlim-məşq toplanışı keçirəcək. Bakı toplanışından sonra AÇ-də iştirak edəcək yekun heyət müəyyənləşəcək.
Qəbələdə təlim-məşq toplanışında olan 15 yaşadək futbolçulardan ibarət Azərbaycan milli komandasının heyətində isə dəyişiklik edilib. Zədəli olduqları üçün Əlibəy Mahmudov (“Sabah”) və Fərid Cabbarov (“Zirə”) heyətdən çıxarılıb. Əvəzində, “Neftçi”nin futbolçusu Əmir Fətiyev toplanışa dəvət olunub.
Qeyd edək ki, komandamızın digər üzvü Elvin Vəliyev də U-15-in toplanışında iştirak edir.
Tövsiyə olunur
-
Daha bir futbolçumuz U-18-in toplanışına qoşuldu
Akademiya 30 aprel 2024, 14:54 -
Futbolçularımız seleksiya xarakterli toplanışda
Akademiya 26 aprel 2024, 18:24 -
“Neftçi”nin 4 üzvü qadınlardan ibarət U-17 milli komandasında!
Akademiya 23 aprel 2024, 17:01 -
3 futbolçumuz U-17 milli komandasında!
Akademiya 15 aprel 2024, 16:45