18 yaşadək futbolçulardan ibarət Azərbaycan milli komandası sabah təlim-məşq toplanışına başlayacaq. Oktyabrın 16-dək Bakıda keçiriləcək toplanışdan sonra 17-dən 21-dək Gürcüstanın Rustavi şəhərində təşkil olunacaq hazırlıq prosesinə gedəcək yekun heyət müəyyənləşəcək. İlkin heyətə “Neftçi” PFK-nın 3 üzvü – Rüfət Abbasov, Aslan Şirinov və Lətif Rzayev dəvət olunublar. Toplanış çərçivəsində iki yoxlama oyunu keçirəcək millimiz oktyabrın 18-də və 21-də gürcüstanlı yaşıdları ilə qarşılaşacaq.