“Neftçi” yeni mövsümə tam heyətlə hazırlaşır

28 iyun 2022, 19:40

“Neftçi” yeni mövsümə hazırlıq çərçivəsində təlim-məşq toplanışının ilk mərhələsini davam etdirir. Komandamız bu gün “Türk Hava Yolları Futbol Mərkəzi”ndə növbəti məşqə çıxıb. Bütün futbolçuların qatıldığı hazırlıq prosesində isinmə hərəkətləri və müxtəlif toplu çalışmalar yerinə yetiriləndən sonra ikitərəfli oyun keçirilib.

Qeyd edək ki, toplanışın ikinci mərhələsinin iyulun 1-dən etibarən Türkiyənin Bolu bölgəsində təşkil olunması planlaşdırılır.