“Neftçi” “Yuventus” və “Beşiktaş”la eyni qrupda
“Neftçi” PFK-nın U-12 komandası aprelin 6-dan 9-dək Türkiyənin İzmir şəhərində keçiriləcək “İzmir Cup” beynəlxalq turnirində iştirak edəcək. Baş məşqçi Vaqif Əliyevin yetirmələri “H” qrupunda Türkiyənin “Beşiktaş”, “Giresunspor”, İzmir şəhərinin çempionu, İtaliyanın “Yuventus”, Almaniyanın “Şalke”, Fransanın “Mets”, Belçikanın “Vesterlo” və Rusiyanın “Zenit” klubları ilə mübarizə aparacaq.
72 iştirakçının mübarizə aparacağı turnirdə Türkiyənin “Qalatasaray” və “Fənərbaxça” klubları ilə yanaşı, PSJ (Fransa), “Bavariya” (Almaniya), “Mançester Siti” (İngiltərə) və “Çelsi” (İngiltərə) kimi Avropa nəhəngləri yarışacaq.
Qeyd edək ki, “Neftçi” Futbol Akademiyası bu mövsüm artıq 3 beynəlxalq turnirdə iştirak edib. U-17 komandamız avqust-sentyabr aylarında İtaliyanın paytaxtı Romada təşkil olunmuş Skopinyo Kubokunda, U-11 komandamız isə oktyabrda Almaniyanın Düsseldorf şəhərində keçirilmiş “VW Wolf Herbst CUP” və noyabrda Türkiyənin İstanbul şəhərində baş tutmuş Can Bartu beynəlxalq turnirində qüvvəsini sınayıb.
Tövsiyə olunur
-
Daha bir futbolçumuz U-18-in toplanışına qoşuldu
Akademiya 30 aprel 2024, 14:54 -
Futbolçularımız seleksiya xarakterli toplanışda
Akademiya 26 aprel 2024, 18:24 -
“Neftçi”nin 4 üzvü qadınlardan ibarət U-17 milli komandasında!
Akademiya 23 aprel 2024, 17:01 -
3 futbolçumuz U-17 milli komandasında!
Akademiya 15 aprel 2024, 16:45