Azər Salahlı əməliyyat olundu

16 avqust 2022, 20:50

Futbolçumuz Azər Salahlı 5-ci sağ ayaqdarağı sümüyünün qırığı diaqnozu ilə bu gün əməliyyat olunub. Cərrahi əməliyyat sağlamlıq sponsorumuz “Liv Hospital”ın xəstəxanalarından olan “Liv Hospital Vadistanbul”da uğurla həyata keçirilib. 28 yaşlı müdafiəçimiz təxminən 3 ay ərzində meydandan kənarda qalacaq.

Xatırladaq ki, UEFA Avropa Konfrans Liqasının III təsnifat mərhələsi çərçivəsində avqustun 11-də keçirilmiş “Rapid” – “Neftçi” matçının ilk hissəsində zədələnərək əvəzlənən Salahlı “Liv Bona Dea Hospital”ın Bakıda yerləşən xəstəxanasında müayinədən keçmişdi. Nəticədə, onun sağ ayağında sınıq tapılmış və əməliyyat olunması ilə bağlı qərar verilmişdi.