“Neftçi” toplanışı sülhlə başa vurdu

14 iyul 2022, 19:14

“Neftçi” Türkiyənin Bolu bölgəsindəki təlim-məşq toplanışı çərçivəsində sonuncu yoxlama oyununu keçirib. Komandamız “Qaziantep” klubu ilə qarşılaşıb. “Fenerbahce SK Topuk Yaylası Tesisleri”ndə baş tutan görüş qolsuz heç-heçə ilə nəticələnib.

“Neftçi”: 1.İvan Brkiç, 3.Mamadu Mbodj, 4.Solomon Kvirkveliya, 5.Kenni Sayef, 6.Voislav Stankoviç, 8.Emin Mahmudov (K), 11.Qodsvey Donyo, 14.Eddi İsrafilov, 19.Azər Salahlı, 23.Ataa Caber, 24.Yusuf Laval.

Ehtiyat oyunçular: 30.Aqil Məmmədov, 93.Rza Cəfərov, 7.Azər Əliyev, 16.Gilyerme Pato, 17.Rəhman Hacıyev, 20.Vüsal Əsgərov, 21.İsmayıl Zülfüqarlı, 26.Ömər Buludov, 27.Fərid Yusifli, 73.Ramin Nəsirli, 75.Nihad Qurbanlı, 82.Rüfət Abbasov.

Qeyd edək ki, bununla da toplanışı başa vuran “Neftçi” sabah Bakıya qayıdacaq. “Ağ-qaralar” ilk iki sınaq matçında “Sakaryaspor” (1:1) və “Sivasspor” (0:1) klubları ilə üz-üzə gəlmişdi.