“Neftçi”nin 4 üzvü Sloveniya yığmasına qarşı oynaya bilər

16 mart 2022, 12:30

19 yaşadək futbolçulardan ibarət Azərbaycan milli komandasının təlim-məşq toplanışı olacaq. Martın 17-dən 20-dək Bakıda, 21-dən 24-dək isə Sloveniyada təşkil olunacaq hazırlıq prosesinə “Neftçi” PFK-nın 4 üzvü – Rüfət Abbasov, Fariz Xeyrullayev, Rəvan Kazımlı və Ağadadaş Salyanski dəvət olunublar. Hazırlıq çərçivəsində iki yoxlama oyunu keçirəcək millimiz martın 22 və 24-də Sloveniyanın müvafiq yaş qrupundan ibarət komandası ilə qarşılaşacaq.

Qeyd edək ki, yoldaşlıq oyunları üçün yekun heyət Bakı toplanışından sonra müəyyənləşəcək.