"Neftçi" hazırlığını davam etdirir
"Neftçi” PFK təlim-məşq toplanışının ikinci mərhələsini davam etdirir. Komandamız Türkiyənin Antalya şəhərinin Manavqat bölgəsində məskunlaşdığı "The Sense De Luxe” otelinin stadionunda bu gün məşqə çıxıb. Səhər məşqində futbolçular fiziki hazırlıq üzrə məşqçi Andrea Vezzunun rəhbərliyi altında fiziki yükləmələri yerinə yetiriblər. Daha sonra standart vəziyyətlər və qısa ötürmələr üzərində işləyiblər.
Qeyd edək ki, təlim-məşq toplanışında komandanın iki aparıcı üzvü – Stiven Jozef-Monroz və Dario Frederiko iştirak etmirlər. Monroz sənəd probleminə görə hələ ki düşərgəyə qoşula bilməyib. Dario isə hazırlığını Bakıda – "Neftçi-2”nin heyətində davam etdirir.
Qardaş ölkədə 3 yoxlama oyunu keçirməyi planlaşdıran "Neftçi” Bakı vaxtı ilə sabah saat 17:00-da Polşanın "LKS Lodz” klubu ilə qarşılaşacaq. "Ağ-qaralar” yanvarın 20-si Ukraynanın "Dinamo” (Kiyev), 24-ü isə "Desna” klubu ilə də üz-üzə gələcək.
Tövsiyə olunur
-
Miodraq Bojoviç “Qarabağ”la cavab oyununu şərh etdi
A Komanda 24 aprel 2024, 22:31 -
Azərbaycan Kubokunda mübarizəni dayandırdıq
A Komanda 24 aprel 2024, 22:02 -
“Qarabağ”la cavab oyunumuzu Əliyar Ağayev idarə edəcək
A Komanda 24 aprel 2024, 14:24 -
Miodraq Bojoviçin “Zirə” ilə matç haqda fikirləri
A Komanda 20 aprel 2024, 22:37