Voislav Stankoviç: “Şadam ki, qələbə qazandıq”

21 sentyabr 2020, 00:59

“Neftçi”nin müdafiəçisi Voislav Stankoviç “Qarabağ”la oyundan sonra klubun rəsmi saytına açıqlama verib. Rəqib qapısına vurulan ilk qolun müəllifi sevincini gizlətməyib:

“Vaxt azlığına baxmayaraq bu oyuna yaxşı hazırlaşmışdıq. Təbii ki, “Qalatasaray”la matçdan sonra psixoloji tərəfdən özümüzü toparlamaq ən vacib məsələ idi. Şadam ki, həm bunu bacarıb qələbə qazandıq, həm də qol vurdum. Mənə elə gəlir ki, biz “Qarabağ”dan daha istəkli idik, qələbəni daha çox istəyirdik. Ümid edirəm, bu qələbədən sonra qarşıdakı matçlarda daha gözəl oyun nümayiş etdirib vəziyyətimizi daha da yaxşılaşdıracağıq”.