“Neftçi” hazırlığı davam etdirir (FOTOLAR)

13 avqust 2020, 21:00

“Neftçi” məşqlərini gündə bir dəfə olmaqla davam etdirir. Komandamızın üzvləri bu gün “Türk Hava Yolları Futbol Mərkəzi”ndə hazırlıq keçiblər. Məşqdə müxtəlif fiziki təmrinlər və toplu çalışmalar yerinə yetirilib.

Qeyd edək ki, “Neftçi” yeni mövsümdə ilk oyununu avqustun 21-də keçirəcək. Komandamız Premyer Liqanın 1-ci turu çərçivəsində “Səbail”i qəbul edəcək. Saat 20:30-da start götürəcək görüş “Bakcell Arena”da baş tutacaq. Ayın 27-də isə flaqman UEFA Avropa Liqasının birinci təsnifat mərhələsi çərçivəsində Şimali Makedoniyanın “Şkupi” klubu ilə qarşılaşacaq. Oyun “Bakcell Arena”da keçiriləcək və saat 20:00-da başlanacaq.