Tarix

Bu mövsümə də komandanı yaxşı hazırlayan və edilən transferlərlə heyətinə güc qatan "imperator" “Neftçi”ni ardıcıl ikinci dəfə çempion edən mütəxəssisin flaqmanın ard-arda üçüncü dəfə Azərbaycanın ən güclü komandası olmasında rolu danılmazdır. 

Heç şübhəsiz ki, mövsümün qəhrəmanlarının adı çəkiləndə bu futbolçunun adını unutmaq olmaz. “Neftçi”də oynamış ən yaxşı legioner hücumçulardan sayılan çilili futbolçu “ağ-qara” formada keçirdiyi ilk mövsümdəcə 26 qol (31 oyun) vurmaqla çempionatın ən yaxşı bombardiri olub.

Mövsümün əvvəlində heyətə qatılan futbolçulardan olan Syerra-Leoneli futbolçu meydana çıxdığı 31 oyunda 8 dəfə fərqlənməklə bombardirlər yarışında 7-11-ci yerləri bölüşüb.

Paraqvaylı dayaq yarımmüdafiəçisi bu mövsüm “Neftçi”nin heyətində ən çox oyun keçirmiş 3 futbolçudan biridir. Əzmkarlığı və döyüşkənliyi ilə seçilən futbolçu rəqib qapılarından bir top keçirməyə də imkan tapıb.

Serbiyalını “Neftçi”yə gəlmiş ən yaxşı legioner qapıçı saymaq olar. Ötən mövsümlə müqayisədə bu dəfə daha çox oyunda (30) qapını qorumuş Saşa Stamenkoviç inamlı oyunu ilə çempionluqda böyük pay sahibidir.

Hər mövsüm heyətindəki gənc oyunçuları ilə diqqəti cəlb edən "Neftçi"nin bu dəfəki çempionatda əsas yerli silahı 20 yaşlı istedadlı yarımmüdafiəçi idi. O, meydana çıxdığı 27 oyunda 4 dəfə fərqlənməklə çempionluğa töhfəsini verib.