“Neftçi” Gənclər Liqasında növbəti oyununa çıxıb. “Ağ-qaralar” 5-ci turda “Kəpəz”i 4:0 hesabı ilə məğlub edib. Gəncə şəhər stadionunda baş tutan matçda qolları Aslan Hətəmov, Enar Ağalarov, Aslan Şirinov və Bəhruz Qurbanlı vurublar.

Komandamız oyunun gedişində azlıqda qalıb. Mirşahbaz Şahbazov 2-ci hissədə ikinci sarı vərəqə ilə cəzalanaraq meydandan kənarlaşdırılıb. Qapımıza təyin edilən penaltini isə “Neftçi”nin qolkiperi Eldar Babayev dəf edib.

Qeyd edək ki, bununla da ilk səfər qələbəsini qazanan “Neftçi” 5 oyundan 9 xal toplayıb.